كتب :
Mazen Mira
معلومه ونصيحه:
معلومه النهارده مش عمله جديده هنشوفها وهنتعلم تفاصيلها ونذاكرها مع بعض، معلومه النهارده عن اكبر خطاءكل الهواه بلا استثناء بيقعوا فيه فى اول سلم الهوايه وفى رأى هو ابشع جريمه بترتكب فى حق الهوايه الا وهو تنظيف العمله
بادئ ذي بدء لازم نفهم ان فى عالم الهوايه يوجد تقيمات و محددات اخرى لتقيم العمله فى عالم الاحترافية
:
١-فالعملة يوجد لها قيمه شرائيه (face value) وهى الفئه الموضوعه على العمله وما تمثله من قوه شرائيه
٢-وقيمه معدنيه ( metal value) وهى قيمه المعدن وخصوصا النفيس منهامثل الذهب والفضه وغيرها
٣-وقيمه نميه (numismatic value) وعلم النميات هو علم وفن اقتناء العملات
ودى اكثر الأشياء بتهم الهاوى لتقيم العمله، تقولى ايه علاقه الهرى ده بالى انت كاتبه فى الاول ؟ هقولك ليه بس تعالى نجاوب على سؤال صغير ليه فى عمله ممكن تتباع ب ١٠جنيه وهى هى نفس العمله تتباع ب ٥٠٠ جنيه مثلا؟
طبعا هترد تقول الحاله العاليه والتفاصيل ده كلام جميل لكن اغلب الهواه المحترفون يدركون ان العمله التى لم يتم عليها تعديل هى اجمل عمله فى الكون ،العملات جمالها دائماً فى انها تكون فى أبهى حالاتها عندما تصل الى يديك ولكن لازم تعرف ان تنظيف العمله بيدمر القيمه النميه العمله وساعتها حتى لو كانت طالعه من دار السك وكانت متنظفه مش هتأخذ من العمله اكثر من القيمه الشرائية والقيمه المعدنيه
للأسف الموضوع ده لا ينطبق على السوق العربى بوجه عام لان معظمنا بيحب العمله تكون بتلمع وده اكبر خطاء كلنا بنقع فيه انا شخصيا عملت كده واتحدى ان مفيش حد فى البدايه معملش كده ومتقدرش يقاوم وده الجزء النصيحه متنظفه عملاتك ابداااااااااا
اما المعلومه للناس اللى عندها فضول فى حاجه اسمها عمليات الحفاظ على العمله وده ساعات بيساعد على استعاده الشكل المفترض ان تكون عليه العمله وهو علم قائم بذاته يدرس فى الجامعات ويحتاج دائماً الى متخصصين وتوجد بعض الشركات العالميه التو تقوم بهذه العمليه بمقابل مادى يدفع لها مثل شركه NGC العالميه ودائما مايذكر ان هناك شعره مابين تنظيف العمله والمحافظه عليها لو قطعت لخسرت قيمه العمله
مرفق لكم صوره لواحده من العملات من مجموعتى الشخصيه وقد اجريت عليها عمليه محافظه بنفسى (طبعا معملتهاش فى حته انسر ) ولكن الصور توضيحية فقط واكيد هتعرفوا الفرق بنفسكم
ليست هناك تعليقات:
إرسال تعليق